Йўқотилган телефон орқали банк картасидан пуллар ечиб олинган
Қашқадарё вилояти Муборак туманида истиқомат қилувчи фуқаро 1984 й.т., А.Н., ИИБга ариза билан мурожаат қилиб, 2012 й.т. вояга етмаган ўғли эҳтиётсизлиги оқибатида телефон қурилмасини йўқотиб қўйганлиги ва шу куннинг ўзида телефон қурилмасига боғланган банк картасидан жами 540.000 сўм пуллар номаълум шахс томонидан ечиб олинганлигини билдириб, йўқотилган телефон ва пулларни топиб беришда ҳамда номаълум шахсга нисбатан қонуний чора кўришликни сўраган.
Олиб борилган тезкор-қидирув тадбирлари натижасида, ушбу жиноятни Қашқадарё вилояти Муборак туманида яшовчи 1999 й.т. П.М., содир этганлиги аниқланган.
П.М. жабрланувчи томонидан йўқотилган телефон қурилмаси орқали банк картаси бошқарувини ўз қурилмасига ўтказиб олиб пулларни ўзлаштирганлиги маълум бўлди.
П.М.га нисбатан Ўзбекистон Республикаси Жиноят кодексининг 169-моддаси билан жиноят иши қўзғатилиб, тергов ҳаракатлари олиб борилган.
ИИВ Киберхавфсизлик маркази
