Сирдарё вилояти ички ишлар органларида хизмат олиб бораётган хотин-қизлар билан саф кўриги ўтказилди
Ўзбекистон Республикаси Ички ишлар Вазири ўринбосарининг 2022 йил 23 март кунидаги «Ички ишлар органларида фаолият юритаётган хотин-қизлар билан ишлаш борасидаги фаолият самарадорлигини оширишга доир қўшимча чора-тадбирлар белгилаш тўғрисида»ги 73-сон фармойишига асосан Сирдарё вилояти Ички ишлар органларида хизмат олиб бораётган хотин-қизлар билан навбатдаги саф кўриги ўтказилди.
Саф кўригида Ўзбекистон Республикаси Ички ишлар вазирининг 2019 йил 8 августдаги «Ички ишлар органларида формали кийим-бошни кийиб юриш қоидаларини тасдиқлаш тўғрисида»ги 232-сонли буйруғига мувофиқ, вилоят ички ишлар органларида хизмат олиб бораётган хотин-қизларнинг формали кийим-бошни кийиш қоидаларига амал қилганликлари кўздан кечирилиб, аниқланган камчиликларни бартараф этиш юзасидан кўрсатмалар берилди.
Саф кўригидан сўнг ходималар билан йиғилиш ўтказилиб, унда формали кийим-бош ҳамда формали кийим-бош сирасига кирмайдиган (фуқаролик) кийимларини кийиб юриш қоидалари ҳақида тўлиқ тушунтирилиб, қоидаларга намуналар кўрсатилди.
Сирдарё вилояти ИИБ Ахборот хизмати
