Мансабдор шахс номидан Телеграм аккаунти очиб фирибгарлик қилиб юрган шахс ушланди
Жиззах вилоятида яшовчи фуқаро Ў.Ж. ариза билан мурожаат қилиб, Телеграм мессенжери орқали номаълум шахс, унинг номидан аккаунт очиб, унинг танишларидан ҳар хил важлар билан пулларни ўзлаштириб келаётганлигини маълум қилиб, ушбу номаълум шахсга нисбатан қонуний чора кўришликни сўраган.
Олиб борилган тезкор-қидирув тадбирлари натижасида, фирибгарлик қилиб пулларни ўзлаштираётган шахс, Зарбдор туманида яшовчи 1994 й.т., Ж.Б. эканлиги аниқланган.
Ж.Б муқаддам жабрланувчи билан бир жойда ишлаганлиги, уни олдиндан кимлар билан таниш эканлигини билганлиги сабабли жабрланувчи номидан Телеграм аккаунти очиб унинг танишларидан турли фирибгарлик важлари билан пулларни ўзлаштирганлиги маълум бўлди.
Ж.Б.га нисбатан Ўзбекистон Республикаси Жиноят кодексининг 168-моддаси 3-қисми билан жиноят иши қўзғатилиб, дастлабки тергов ҳаракатлари олиб борилмоқда.
ИИВ Киберхавфсизлик маркази
