Коррупцияга қарши кураш – тараққиёт кафолати
Бугунги кунда жаҳон ҳамжамиятининг долзарб муаммоларидан бири бўлган коррупциянинг олдини олиш ва унга қарши курашиш йўлида Ички ишлар вазирлиги томонидан ҳам кўплаб саъй-ҳаракатлар амалга оширилмоқда.
Жумладан, вазирлик марказий аппарати ходимлари иштирокида ИИВ Маданият саройида бўлиб ўтган ушбу мавзудаги навбатдаги маънавият ва маърифат дарси ҳам юқоридаги фикрларимиз тасдиғидир.
Унинг аввалида сўзга чиққан ИИВ Маънавий-маърифий ишлар хизмати бошлиғи, полковник Ҳамза Махсумов мазкур иллат ҳар қандай давлатнинг келажагига хавф туғдирадиган жирканч унсур эканлиги ҳамда унга қарши жамиятнинг барча аъзолари биргаликда курашсагина ижобий натижа бериши ҳақида таъкидлади. Шунингдек нотиқ, мазкур иллатга қарши муросасиз курашишда ҳар бир шахснинг маънавий салоҳияти ҳам юқори даражада бўлмоғи лозимлиги таъкидланди.
Тадбирда сўз олган вазирлик Коррупцияга қарши курашиш комиссияси котиби, подполковник Авазбек Иномов ҳам қонунчиликда коррупциянинг олдини олиш ва унга қарши курашиш бўйича ички ишлар органларида амалга оширилаётган кенг кўламли чора-тадбирлар тўғрисида иштирокчиларга батафсил маълумот бериш билан бирга, коррупцион жиноятларнинг илдизи, уларнинг олдини олишга оид қонунчилик нормалари, бу борада олиб борилаётган саъй-ҳаракатлар тўғрисида ҳам тўхталиб ўтди.
Шундан сўнг, ходимлар билан боғлиқ коррупциявий ҳолатлар акс этган фильм ҳамда аянчли йўл-транспорт ҳодисалари тасвирланган “Hадомат” номли видеоролик ҳам осойишталигимиз посбонлари эътиборига ҳавола этилди.
Михли САФАРОВ,
“Postda” мухбири.
