5 декабрь 2022
539
Бухоро шаҳрида таълим соҳасида содир этилган фирибгарлик жинояти фош этилди
Бухоро вилояти ҳуқуқни муҳофаза қилувчи идоралар вакиллари ҳамкорлигида 2022 йил 30 ноябрь куни ўтказилган тезкор тадбир давомида Ғиждувон туманида яшовчи, 1970 йилда туғилган A.Г. исмли аёл рус тили фанидан «С-1» тоифали сертификат учун бўладиган синов имтиҳонларида бошқанинг ўрнидан кириб, сертификатни олиб беришни ваъда қилиб, ундан 400 АҚШ долларини олган вақтида ашёвий далиллар билан ушланган.
Мазкур ҳолат юзасидан Департаментнинг Ромитан тумани бўлими томонидан A.Г. га нисбатан Ўзбекистон Республикаси Жиноят Кодексининг 168-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Бухоро вилояти ИИБ Ахборот хизмати
