8 май 2020 911

Тошкент шаҳар ИИББ ходимлари томонидан фуқароларга кўрсатилаётган ёрдам ҳақида

Карантин тартиби шароитида баъзи фуқароларимиз қийин шароитда қолиб, ёрдам ва кўмакка муҳтож бўлиб қолишди. Тошкент шаҳар ИИББ уларга ёрдам беришга ҳаракат қилмоқда. Шу мақсадда ИИББ томонидан “иссиқ тармоқ” ташкил этилди. Ҳар куни “иссиқ тармоқ” телефонларига ўнлаб мурожаатлар келиб тушади. Кимдир зудлик билан шифохонага етиб олиши керак, бошқа бировнинг фарзанди қариндошиникида қолиб кетган, яна кимдир кекса ёшдаги ота-онасидан хавотирда... Тошкент шаҳар ИИББ ходимлари “иссиқ тармоқ” орқали келиб тушаётган мурожаатлар бўйича тегишли чоралар кўриб, ёрдам шошадилар.

“Боба Тимурий” исмли фойдаланувчи ИИББга ёрдам сўраб мурожаат қилди. Унинг қизи оиласи билан карантиндан аввал қариндошлариникига меҳмонга бориб, қайтиб келолмаяптилар. ИИББ ходимлари ушбу мурожаатни эътиборсиз қолдирмадилар ва мурожаатчининг оиласини Юнусобод туманидан Сергели туманига олиб келдилар.

Шахина И. Тошкент вилоятидан Тошкент шаҳрига қайтишда ёрдам сўради. Карантин бошида у ота-онасига ёрдам беришга жўнаган эди. Аммо шаҳардаги зарур ишлар туфайли режалари ўзгариб қолди. Ходимлар ушбу мурожаат бўйича ҳам чора кўрдилар.

Яқинда Александра К. тиббиёт муассасасидан уйга қайтишда ёрдам сўради. ИИББ вакиллари уни уйига етказиб қўйишди.

Тошкент шаҳар ИИББ Ахборот хизмати

Какой то заголовок

Содержание спойлера

© 2006-2020. Барча ҳуқуқлар ҳимояланган
Сайт материалларидан фойдаланилганда www.iiv.uz сайти кўрсатилиши шарт
Cайт яратувчиси: Online Service Group
Белгиланган матнни тинглаш учун қуйидаги тугмани босинг
Тепага