Quva tumanida giyohfurush qoʻlga olindi
23-yanvar kuni tuman IIB Terrorizm va Ekstrimizmga qarshi kurashish boʻlimi xodimlari tomonidan oʻtkazilgan tezkor tadbir davomida, Gulobod mahalla hududida yashovchi N.M oʻzining yashash xonadonida 1.150.000 soʻm evaziga oq rangli sellofan paketga oʻralgan holatdagi gashish giyohvandlik moddasini sotayotgan vaqtida xolislar ishtirokida daliliy ashyo bilan ushlangan.
Holat yuzasidan Quva tumani IIB huzuridagi tergov boʻlimi tomonidan Jinoyat kodeksining 273-moddasi 5-qismi bilan jinoyat ishi qoʻzgʻatilib, protsessual tartibda ushlangan.
Hurmatli fuqarolar! Giyohvandlik moddalarni isteʼmol qilish sogʻligʻingiz uchun xavfli ekanligini, uni saqlash qonunga xilofligi va jinoiy javobgarlikka sabab boʻlishini esdan chiqarmang.
Eslatib oʻtamiz, Jinoyat kodeksining 273-moddasi 5-qismida koʻrsatilgan jinoyatni sodir etgan shaxs yigirma yilgacha ozodlikdan mahrum qilish bilan jazolanishi mumkin.
Fargʻona viloyati IIB Axborot xizmati
