5 May 2020 4284

Mast holdagi haydovchi 2 nafar yo'lovchilar hayotiga zomin bo'ldi

4 may kuni soat 19:30 da Urgut tumani, “Tinchlik” mahallasi hududidan o'tuvchi A-377 avtomobil` yo'lining 33 kilometrida haydovchi 27 yoshli F.R.ning boshqaruvida bo'lgan “VAZ-2106” rusumli avtomashinasini mast holatda Samarqand yo'nalishi tomonidan Tojikiston Respublikasi yo'nalishi tomonga qarab boshqarib kelayotgan vaqtida, o'ziga nisbatan qarama-qarshi yo'nalishdan harakatlanib kelayotgan haydovchi 29 yoshli Z.A.ning boshqaruvidagi “GAZ-5327” rusumli yuk avtomashinasining o'ng yon tomoniga urilib, yo'l transport hodisasi sodir qilgan.

To'qnashuv natijasida “GAZ-5327” rusumli yuk avtomashina yo'lovchilari (haydovchining turmush o'rtog'i va farzandi) 22 yoshli D.S. va voyaga etmagan 2 yoshli A.N.lar og'ir tan jarohati olib, hodisa joyida vafot etganlar.

Holat yuzasidan Samarqand viloyati IIB huzuridagi Tergov boshqarmasi tomonidan Jinoyat kodeksining 266-moddasi 3-qismi “a” bandi (odamlar o'limiga olib kelgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo'zg'atilgan.

IIV huzuridagi Tergov departamenti Axborot xizmati

© 2006-2022. Barcha huquqlar himoyalangan
Sayt materiallaridan foydalanilganda www.iiv.uz sayti ko'rsatilishi shart
Sayt yaratuvchisi: Online Service Group
Belgilangan matnni tinglash uchun quyidagi tugmani bosing
Тепага