Interpolning O‘zbekiston Respublikasidagi MMB tomonidan respublika huquqni muhofaza qilish organlari qidiruv eʼlon qilgan jinoyatchilar ekstraditsiya qilindi
Interpolning O‘zbekiston Respublikasidagi Milliy markaziy byurosi xodimlari tomonidan og‘ir jinoyatlar sodir etgan xalqaro qidiruvdagi ikki nafar jinoyatchini ekstraditsiya qilish tartibi amalga oshirildi.
O‘zbekiston, Ukraina, Polsha va Turkiya Milliy markaziy byurolari xodimlarining hamkorlikdagi tezkor harakatlari hamda O‘zbekistonning Polsha Respublikasidagi elchixonasi vakillarining bevosita yordami bilan og‘ir jinoyatlar sodir etgan ikki nafar jinoyatchi O‘zbekistonga ekstraditsiya qilindi.
Qidiruvdagilardan biri giyohvand moddalar savdosi bilan bog‘liq jinoyatni sodir etganlikda ayblangan bo‘lib, uzoq vaqt davomida chet elda yashirinib kelgan va tezkor tadbirlar natijasida ukrainalik hamkasblar tomonidan hibsga olingan.
O‘zbekistonda Internet platformasida jinoyatchi tomonidan yaratilgan moliyaviy piramidaga 2 million AQSH dollari miqdorida sarmoya kiritgan, ikki mingdan ortiq fuqaroni aldagan ikkinchi yirik kripto firibgar ham xorijiy davlat hududida aniqlandi va hibsga olindi.
O‘zbekiston Respublikasi Bosh prokuraturasi tomonidan ekstraditsiya qilish to‘g‘risidagi iltimosnoma tasdiqlangandan so‘ng, Interpol MMB xodimlari hamrohligida jinoyatchilar munosib jazo olish uchun O‘zbekistonga olib kelindi.
Interpolning O‘zbekiston Respublikasidagi Milliy markaziy byurosi
