18 oktyabr kuni Hindistonning Nyu-Dehli shahrida Interpol Bosh Assambleyasining 90-sessiyasi ochilishi munosabati bilan tantanali marosim bo‘lib o‘tdi
16 oktyabr kuni tashkilot faoliyatini ko‘rib chiqish va Bosh Assambleyaning 90-sessiyasining yakuniy kun tartibini aniqlash bo‘yicha muhokamalar o‘tkazilgan Hindistonning Nyu-Dehli shahrida Xalqaro jinoiy politsiya tashkiloti Ijroiya qo‘mitasining 215-yig‘ilishi bilan ochilishi 18 oktyabr kuni bo‘lib o‘tgan tadbirning protokol tadbirlari yakunlandi.
Hindiston Bosh vaziri Narendra Modi Interpol Bosh Assambleyasining 90-sessiyasini tantanali qutlov nutqi bilan ochdi. Shundan so‘ng ICPO Interpol prezidenti Ahmad Nosir Al-Raisi tadbir ishtirokchilarini qutlar ekan, transmilliy jinoyatchilikning o‘ta xavfli turlariga qarshi kurashish, politsiyaning hamkorlikdagi faoliyatini muvofiqlashtirish, shuningdek, Interpolning samarali faoliyatini taʼminlash bilan bog‘liq keng ko‘lamli masalalarni o‘z ichiga olgan, tasdiqlangan kun tartibiga muvofiq sessiya majlisini ochiq deb eʼlon qildi. Shuningdek, Interpol Bosh kotibi janob Yurgen Shtok sessiya ishtirokchilariga qaratilgan manzilli nutqida tinchlikni mustahkamlash yo‘lida transmilliy jinoyatchilikka qarshi kurashda ularning salohiyatini yana-da yuksaltirish va kengaytirish borasida to‘xtalib o‘tdi.
Interpolning O‘zbekiston Respublikasidagi Milliy markaziy byurosi delegatsiyasi ham Hindiston Mustaqilligining 75 yilligini nishonlash bilan bir vaqtda o‘tkazilgan ushbu muhim tadbirda tashkilotga aʼzo 166 mamlakat delegatlari bilan birga qatnashmoqda.
Bosh Assambleyaning 90-sessiyasi ochilish kunida Interpolning O‘zbekiston Respublikasidagi Milliy markaziy byurosi delegatsiyasining Interpolning Pekin va Abu-Dabi shaharlari MMB delegatsiyalari bilan ikki tomonlama uchrashuvlari bo‘lib o‘tdi, ular chog‘ida hamkorlikni mustahkamlash niyatlari tasdiqlandi va yaqin kelajak uchun tashabbuslar belgilandi.
Interpolning O‘zbekiston Respublikasidagi Milliy markaziy byurosi
